Descripción
Marta Quintana e Clara Piñeiro son os seus compoñentes, dúas mulleres galegas que mostran no seu traballo a orixinalidade, a beleza e o contrapunto nas arpas e nas voces.
Neste primeiro proxecto musical abarcan non só a música tradicional, que é a principal fonte de inspiración deste traballo, senón tamén a música de autor; contando con temas propios. Ademais, contan coa colaboración de grandes artistas como é o caso de Rodrigo Romaní (autor dalgún dos temas e arranxos), Xosé Manuel Budiño, Xosé Lide e Fernando Abreu nun total de trece temas producidos xunto a Segundo Grandío.
Ademáis, inclúe unha pista interactiva co videoclip do tema Rompendo a marea. Un gran disco que as descobre como un dos valores en alza do folk galego cunha sensibilidade moi especial.
