Carlos Childe – Cooking Melodies

Descripción

“Cooking melodies” é o primeiro traballo discográfico de Carlos Childe, un disco preparado sen aditivos nin colorantes na cociña dos estudos Casa de Tolos polo chef Segundo Grandío, aderezado cun chisco de blues e swing, e con moito, moito fundamento.

Neste disco, Carlos Childe fai un magnífico exercicio de estilo que destaca claro a calidade das composicións así como a forza interpretativa coa que explora os terreos do blues. 8 das 12 cancións que compoñen “Cooking melodies” son composicións propias das que destacan temas con gran sabor a swing como “Sitting by the fere” ou “Rain in september”, melodías pegadizas como “White donkey” ou “Gold for love”, preciosas xoias como “Yellow meadow” ou “Lost in my own room” e magníficas versións de clásico como “The house of the rising sun” ou “Blue moon”. “Cooking melodies” é un disco feito por e para os amantes do bo blues.