Magín Blanco – Ella…

Descripción

Contar a historia deMagín Blanco é facelo dunha xeración á sombra dos tan traidos e levados anos 80. Membro fundador do mítico grupo La Rosa, tras varios anos afastado da música, en 2006 reaparece na escena musical con “Ella…“, o seu primeiro disco en solitario, gravado nos estudos Casa de Tolos baixo a produción de Segundo Grandío. “Ella…” é un traballo exposto polo propio Magín como un agasallo, unha forma de dar as grazas ás mulleres. Magín contou coa colaboración de Pepe Losada (guitarra acústica, dobro, steel guitar), Isaac Palacín (batería, percusión) e Segundo Grandío (baixo). Ademais o disco conta cunha lista de invitados de luxo: Gloria van Versen (Vainica Dobre), a cantante galega Uxía ou Nancho Novo, entre outros.